મા કામલ મેડીકલ સેન્ટર મગરકુઇ ખાતે કામકાજના સ્થળે જાતિય સતામણી અધિનિયમ-૨૦૧૩”અંગે કાયદાકીય માર્ગદર્શન સેમીનાર યોજાયો
સમય ક્રાંતિ ન્યૂઝ તાપી..
મહિલા અને બાળ અધિકારીશ્રી ડૉ.મનિષા એ.મુલતાનીના માર્ગદર્શન હેઠળ “કામકાજના સ્થળે જાતિય સતામણી અધિનિયમ-૨૦૧૩” કાયદાકીય માર્ગદર્શન સેમિનાર વ્યારા તાલુકાના મા કામલ મેડીકલ સેન્ટર મગરકુઇ ખાતે યોજાયો હતો. જેમાં નર્સિંગ કોલેજની વિદ્યાર્થીનીઓએ માર્ગદર્શન મેળવ્યું હતું.
દહેજ પ્રતિબંધક અધિકારી સહ- રક્ષણ અધિકારી અને ઇ.ચા. મહિલા અને બાળ અધિકારી તાપી ડો.મનિષાબેન એ.મુલતાની દ્વારા પ્રાસંગિક ઉદબોધન કરી કાર્યક્રમને શુભારંભ કરવામાં આવ્યો હતો. સીનીયર સિવિલ જજ એન્ડ ચીફ જ્યુડીશીયલ મેજીસ્ટ્રેટ, ફુલ ટાઇમ સેક્રેટરી, ડ્રીસ્ટ્રીક્ટ લીગલ સર્વિસ ઓથોરીટી, તાપી હેમલતા પંડીત દ્વારા જિલ્લા કાનુની સેવા સત્તા મંડળની કામગીરી અને કાયદાકીય માર્ગદર્શન પુરૂ પાડવામાં આવ્યું હતું. લીગલ એડવાઇઝર એસ.પી.કચેરી તાપી જોશીલાબેન ગુમાને દ્વારા દ્વારા કામકાજના સ્થળે જાતિય સતામણી (અટકાયત, પ્રતિબંધ અને ફરિયાદ નિવારણ) અધિનયમ ૨૦૧૩ હેઠળની જોગવાઈઓ ખુજ વિસ્તૃત અને સરળ ભાષામાં રજુ કરી હતી અને વિદ્યાર્થીનીઓ દ્વારા પણ આ અંગે રસપુર્વક ભાગ લેવામા આવ્યો હતો. નિલેશભાઇ પટેલ – એડવોકેટ –DLASA દ્વારા ઘરેલુ હિંસા અધિનિયમ-૨૦૦૫, ૧૨૫-ભરણપોષણનો કાયદા અંગેનું કાયદાકીય જાણકારી આપી હતી લીડ બેંક મેનેજરશ્રી રસિક જેઠવા દ્વારા બેંકની લગતી સુરક્ષા અને વીમા કવચ અંગેની જાણકારી આપવામાં આવી હતી.
આ પ્રસંગે શ્રીમતી પી.વી.ધનેશા(PSI) સી-ટીમ દ્વારા સેલ્ફ ડીફેન્સ અને ગુડ ટચ, બેડ ટચ તેમજ મહિલાની જાતીય હિંસાના બચાવ અંગેનું માર્ગદર્શન તેમજ સી-ટીમ દ્વારા કરવામા આવતી તમામ સુવિધાઓની જાણકારી આપી હતી. ખુશ્બુ જે.ગામીત જેન્ડર સ્પેશ્યાલીસ્ટ (DHEW) દ્વારા મહિલા અને બાળ અધિકારીની કચેરી હસ્તક ચાલતી વ્હાલી દિકરી યોજના, ગંગા સ્વરૂપા આર્થિક સહાય યોજના, ગંગા સ્વરૂપા પુન:લગ્ન આર્થિક સહાય યોજના, મહિલા સ્વાવલંબન યોજનાની માહીતી આપી હતી.
તેમજ સખી વન સ્ટોપ સેંન્ટર, પોલીસ સ્ટેશન બેઇઝડ સપોર્ટ સેન્ટર, વિવિધલક્ષી મહિલા કલ્યાણ કેન્દ્રમાં ચાલતી વિવિધ યોજનાઓ સ્ટાફ દ્વારા તેઓની ભુમિકા અને મદદ બાબતે વિસ્તૃત ચર્ચા કરવામા આવી હતી. કાર્યક્રમના અંતે જિલ્લા મહિલા અને બાળ અધિકારીશ્રીની કચેરી દ્વારા કીટનું વિતરણ કરી નર્સિંગ કોલેજના સ્ટાફ અને વિદ્યાર્થીનીઓના સહકાર હેઠ્ળ કાર્યક્રમ સફળતાપુર્વક પાર પાડવામાં આવ્યો હતો..