સમય ક્રાંતિ ન્યૂઝ..
ડિપાર્ટમેન્ટ ઓફ ફિનાન્સિયલ સર્વિસની સૂચના મુજબ ભારતભરમાં તારીખ 15 ઓકટોબરથી 15 જાન્યુ’25 દરમ્યાન બેન્કો દ્વારા ત્રણ માસનું જન સુરક્ષા કેમ્પેઈન કરવા સૂચન કરેલ હતું. આ અભિયાન અંતર્ગત તાપી જિલ્લામાં દરેક ગ્રામ પંચાયતમાં આયોજન કરવા અંગે બેન્કોના પ્રતિનિધિઓની મીટીંગ કલેકટરશ્રીના અધ્યક્ષસ્થાને લીડ બેંક મેનેજર દ્વારા આયોજીત કરવામાં આવી હતી.
આ બેઠકમાં કેમ્પનો પ્રચાર પ્રસાર થાય અને લોકો તેનો વધુને વધુ લાભ ઉઠાવે અને PMJJBY અને PMJSBY યોજનામાં લોકો જોડાય તેવા પ્રયાસો કરી અને મહતમ લાભ પ્રાપ્ત કરવા દરેક બેન્કોને અનુરોધ કરેલ.જિલ્લા વિકાસ અધિકારીશ્રીએ પંચાયત લેવલ પર સરપંચ અને તલાટીઓ કક્ષાએ જે કામગીરી છે તે સત્વરે પૂર્ણ કરવા જણાવ્યું હતું. દરેક બેંકના ખાતેદારોને પંચાયત લેવલ પર વીમોનું ફોર્મ સબમિટ થાય તેવા તમામ પ્રયત્નો કરવા જણાવેલ હતું.નાયબ નિવાસી કલેકટરશ્રીએ સ્વામિત્વ યોજના અંતર્ગત આપવામાં આવતા પ્રોપર્ટી કાર્ડ ઉપર બેન્કોને ધિરાણ કરવા જણાવ્યું હતું.લીડ બેંક મેનેજર દ્વારા દરેક બેન્કોને કલેકટરશ્રી અને જિલ્લા વિકાસ અધિકારીશ્રીના માર્ગદર્શન મુજબ ગ્રામ પંચાયતની ફાળવણી કરી જનસુરક્ષા કેમ્પ યોજવા માટે આયોજન કરવા જણાવ્યું હતું.