NSG: “સર્વત્ર સર્વોત્તમ સુરક્ષા” ના મિશન સાથે આતંકવાદનો સામનો કરવા સજ્જ બ્લેક કેટ

સમય ક્રાંતિ ન્યૂઝ..

ભારત દેશમાં ઉપલબ્ધ 6 સુરક્ષા શ્રેણીઓમાં SPG એ સૌથી ઉચ્ચ સુરક્ષા શ્રેણી છે. આ સુરક્ષા દેશના વડાપ્રધાનને જ આપવામાં આવે છે. આગળ Z+ સુરક્ષા અને Z સુરક્ષા આવે છે. Z સુરક્ષા એટલેકે NSG એટલેકે બ્લેક કેટ કમાંડો સુરક્ષા એ ભારતમાં ત્રીજી સૌથી ઉચ્ચ સુરક્ષા શ્રેણી છે. કેન્દ્ર સરકારે બુધવારે નેશનલ સિક્યુરિટી ગાર્ડ (NSG)ને VIP સુરક્ષામાંથી હટાવવાનો નિર્ણય કર્યો છે. તેમની જગ્યા સેન્ટ્રલ રિઝર્વ પોલીસ ફોર્સ (CRPF)ના જવાનો લેશે.

આ આદેશ આવતા મહિનાથી અમલમાં આવશે. સંસદની સુરક્ષામાં લાગેલા નિવૃત્ત CRPF જવાનોને વિશેષ તાલીમ આપવામાં આવશે. તેમને VIP સુરક્ષા વિંગમાં મોકલવામાં આવ્યા છે. હાલમાં દેશમાં સંરક્ષણ મંત્રી રાજનાથ સિંહ અને યુપીના સીએમ યોગી આદિત્યનાથ સહિત 9 નેતાઓ છે જેમની સુરક્ષા NSGના બ્લેક કેટ કમાન્ડો કરે છે. બ્લેક કેટ કમાન્ડો બે દાયકા પહેલા આ કામ માટે તૈનાત કરવામાં આવ્યા હતા. હવે કેન્દ્ર સરકારે NSGનું પુનર્ગઠન કરવાનો નિર્ણય લીધો છે અને અયોધ્યામાં રામ મંદિરની નજીક અને દેશના દક્ષિણ ભાગમાં સ્થિત કેટલીક મહત્વપૂર્ણ મિલકતોની આસપાસના કેટલાક ઉચ્ચ જોખમવાળા વિસ્તારોમાં કમાન્ડોની સ્ટ્રાઈક ટીમને વધારવા અને તૈનાત કરવાનો નિર્ણય કર્યો છે. ત્યારે તમને જણાવીશું કે NSG શું છે? તેનો ઇતિહાસ શું છે? તેની કામગીરી શું છે અને તેનો ઉદ્દેશ્ય શું છે?

WhatsApp Group Join Now

Instagram Page Join Now

નેશનલ સિક્યોરિટી ગાર્ડ (NSG) જેને “બ્લેક કેટ્સ” તરીકે ઓળખવામાં આવે છે તે ભારતમાં આતંકવાદ વિરોધી એકમ છે. 1984 માં રચાયેલ NSG એ તેની વિશિષ્ટ તાલીમ, ઝડપી પ્રતિભાવ ક્ષમતાઓ અને ઉચ્ચ સ્તરની કાર્યકારી તૈયારી માટે પ્રતિષ્ઠા મેળવી છે. આ ચુનંદા દળને આતંકવાદી હુમલા, અપહરણ અને બાનમાંથી બચાવ કામગીરી જેવી ગંભીર પરિસ્થિતિઓને સંભાળવાનું કામ સોંપવામાં આવે છે. નેશનલ સિક્યુરિટી ગાર્ડ એ ભારત સરકારના ગૃહ મંત્રાલય હેઠળનું વિશિષ્ટ આતંકવાદ વિરોધી એકમ છે. રાષ્ટ્રીય સુરક્ષા પર ટાસ્ક ફોર્સની ભલામણોને અનુસરીને તેની સ્થાપના 1984 માં કરવામાં આવી હતી અને 16 ઓક્ટોબર 1986 ના રોજ તેનું ઔપચારિક ઉદ્ઘાટન કરવામાં આવ્યું હતું. NSG ની રચનાનો મુખ્ય ઉદ્દેશ્ય આતંકવાદનો સામનો કરવાનો અને દેશભરમાં આતંકવાદી ખતરાઓને ઝડપી અને અસરકારક પ્રતિસાદ આપવાનો છે. NSG સામાન્ય રીતે “બ્લેક કેટ્સ” તરીકે ઓળખાય છે કારણ કે તેના કમાન્ડો ઓપરેશન દરમિયાન બ્લેક યુનિફોર્મ પહેરે છે. આ દળમાં ભારતીય સેના અને કેન્દ્રીય સશસ્ત્ર પોલીસ દળો (CAPF) ના ઉચ્ચ પ્રશિક્ષિત કર્મચારીઓનો સમાવેશ થાય છે. NSG કમાન્ડો તેમની વ્યાવસાયિકતા, હિંમત અને ઉચ્ચ જોખમી પરિસ્થિતિઓને સંભાળવામાં વ્યૂહાત્મક કુશળતા માટે જાણીતા છે.

NSGનું મિશન
‘સર્વત્ર સર્વોત્તમ સુરક્ષા’ના સૂત્રને કાયમ રાખવા માટે આતંકવાદનો ઝડપથી અને અસરકારક રીતે સામનો કરવા સક્ષમ એક વિશેષ દળને તાલીમ આપવી, સુસજ્જ કરવું અને તૈયાર રાખવું.
NSG ની નૈતિકતા પણ આધારિત કાર્ય કરવું
શ્રેષ્ઠતા માટે પ્રયત્ન કરવો
સામેથી નેતૃત્વ કરવું
શૂન્ય ભૂલ
ગતિ, આશ્ચર્ય, ચુપચાપ, સટિકતા અને ચોકસાઈ તેની વિશેષતા
વિશ્વસ્તરીય ઝીરો એરર ફોર્સ તેનો અભિગમ

NSGનો ઇતિહાસ
1984માં કેન્દ્રીય કેબિનેટે એક ફેડરલ આકસ્મિક દળ બનાવવાનું નક્કી કર્યું જેમાં એવા કર્મચારીઓ હોય જેઓ આતંકવાદની વિવિધ અભિવ્યક્તિઓનો સામનો કરવા માટે અત્યંત પ્રેરિત, ખાસ સજ્જ અને સારી રીતે પ્રશિક્ષિત હોય. જૂન 1984માં એનએસજીના મહાનિર્દેશક અને અન્ય જરૂરી તત્વો ધરાવતા એક કેન્દ્રને મંજૂરી આપવામાં આવી હતી અને બળ વધારવા માટે પગલાં લેવામાં આવ્યા. ઓગસ્ટ 1986માં આ સંગઠનની રચના માટેનું એક બિલ સંસદમાં રજૂ કરવામાં આવ્યું હતું અને તેને 22 સપ્ટેમ્બર, 1986ના રોજ રાષ્ટ્રપતિની સંમતિ મળી. તે દિવસથી નેશનલ સિક્યુરિટી ગાર્ડ (NSG) ઔપચારિક રીતે અસ્તિત્વમાં આવ્યું.