સમય ક્રાંતિ ન્યૂઝ..
વાલોડ તાલુકાના પેલાડ બુહારી ગામમાં મોરા ફળિયામાં દક્ષિણ ગુજરાત વીજ કંપની વાલોડ પેટા વિભાગીય કચેરી દ્વારા ટ્રાન્સફોર્મરથી રોડ ક્રોસિંગના વીજ વાયરો જે નીચે હતા તેમાં LTABC કંડકટર(ઈન્સ્યુલેટેડ વાયર) નાખવામાં આવ્યા છે જેથી કોઈ અકસ્માત ન થાય અને હાલ ટ્રાન્સફોર્મર ફરતે સંપુર્ણ સાફ સફાઈ કરાવેલ આવી છે.
વધુમાં વાલોડ પેટા વિભાગીય કચેરીના કાર્યક્ષેત્ર હેઠળ કુલ ૮૯૫ કીમી ભારે દબાણની લાઈન તેમજ ૬૦૫ કીમી હળવા દબાણની લાઈન આવેલ છે. છેલ્લા ૬ મહિનામાં વાલોડ પેટા વિભાગીય કચેરી તરફથી કુલ ૨૯૬૪૯ ટ્રી કટીંગ ૨૫૮ નવા વીજપોલો બદલી નવા ઉભા કરવામાં આવ્યા છે.
૪૨.પરપ કીમી વાયરો ખેંચ્યા તથા ૧.૯૭૦ કીમી વાયરો બદલવામાં આવેલ છે. વર્ષ ૨૦૨૩-૨૪ માં ત્રણ ખેતીવાડી ફીડરો ઉપર સ્પેશિયલ મેન્ટેનન્સની કામગીરી SKJY યોજના હેઠળ આવરી લેવામાં આવેલ છે. જેનો અંદાજીત ખર્ચ ૮.૨૮ લાખ છે અને જેની લગભગ ૫૦% કામગીરી પૂર્ણ થઈ ગઈ છે એમ કાર્યપાલ ઇજનેર (સં અને નિ) દક્ષિણ ગુજરાત વિજ કંપની લિ.વ્યારાએ જણાવ્યું છે.