સમય ક્રાંતિ ન્યૂઝ..
તાપી એજ્યુકેશન અકેડમી દ્વારા સંચાલિત પી.પી. સવાણી વિદ્યામંદિર (તાપી સ્પોર્ટ્સ અકેડમી) ખાતે શાળાના વિદ્યાર્થીઓની બે ટીમ વચ્ચે ફૂટબોલ મેચના આયોજન સાથે ફૂટબોલ પ્લે ગ્રાઉંડનું અતિ ઉત્સાહ પૂર્વક ઉદ્ઘાટન કરવામાં આવ્યું.
જેમાં તાપી વોરિયર્સના કેપ્ટન તરીકે મુખ્ય મહેમાન શ્રી ડોકટર અંકિત ભારતી અને તાપી બ્લાસ્ટર ના કેપ્ટન તરીકે મુખ્ય મહેમાન શ્રી જૈમિન શિંદેએ મેચમાં વિદ્યાર્થીઓ સાથે જોડાઈ મેચને વધુ રસપ્રદ બનાવી વિદ્યાર્થીઓના ઉત્સાહમાં વધારો કર્યો હતો. મેચમાં ડૉ.અંકિત ભારતી ના માર્ગદર્શન હેઠળ તાપી વૉરિયર્સ ટીમ વિજેતા બની હતી.
વિદ્યાર્થીઓને શાળાના ડિરેક્ટરશ્રી ના હસ્તે ટ્રોફી એનાયત કરી તેમની જીતને વધાવી લેવામાં આવી. વધુમાં મહેમાન શ્રી ડૉ.અંકિત ભારતીએ વિદ્યાર્થીઓને જીવનમાં રમત નું મહત્વ, સમયનો સદુપયોગ અને ખેલદિલી ભાવના નું મહત્વ સમજાવ્યું હતું .સંપૂર્ણ તાપી જિલ્લામાં સૌ પ્રથમ આપણી જ શાળામાં ફૂટબોલ માટે વિશાળ પ્લે ગ્રાઉન્ડની વ્યવસ્થા અને વિદ્યાર્થીઓને ફૂટબોલ ક્ષેત્રમાં આત્મવિશ્વાસથી આગળ વધી શકે તે મુજબની ટ્રેનિંગ આપવામાં આવે છે. તે બદલ ડો. અંકિત ભારતી તથા ફૂટબોલ પ્લેયર જૈમીન સિંદે એ શાળા પરિવારને ખુબ ખુબ અભિનંદન અને શુભેચ્છા પાઠવી.
વધુ સમાચાર મેળવવા..