ભારતને હરાવી ઓસ્ટ્રેલિયા બન્યું વર્લ્ડ ચેમ્પિયન, કરોડો ભારતીય ફેન્સના તૂટ્યા દિલ

સમય ક્રાંતિ ન્યૂઝ..

અમદાવાદના નરેન્દ્ર મોદી સ્ટેડિયમમાં રવિવારે વર્લ્ડકપ 2023ની ફાઈનલ મેચ ભારત અને ઓસ્ટ્રેલિયા વચ્ચે રમાઈ હતી. જેમાં ઓસ્ટ્રેલિયાએ ટોસ જીતીને પ્રથમ બોલિંગ કરવાનો નિર્ણય લીધો હતો. ભારતીય ટીમે પ્રથમ બેટિંગ કરતા 50 ઓવરમાં 240 રન બનાવીને ઓલઆઉટ થઈ ગઈ હતી. જેના જવાબમાં ઓસ્ટ્રેલિયાએ 43 ઓવરમાં 4 વિકેટના નુકસાને ટાર્ગેટ પાર પાડીને આસાનીથી ફાઈનલ મેચ જીતીને ચેમ્પિયન બની ગયું છે.

લાબુશેન અને ટ્રેવિસ હેડે ઓસ્ટ્રેલિયાને ચેમ્પિયન બનાવ્યું

WhatsApp Group Join Now

Instagram Page Join Now

ટ્રેવિસ હેડે અમદાવાદમાં શાનદાર સદી ફટકારી હતી. ટ્રેવિસ હેડે 95 બોલમાં 14 ફોર અને 1 સિક્સની મદદથી સેન્ચુરી ફટકારી હતી. ડેવિડ વોર્નર, મિચલ માર્શ બાદ સ્ટીવ સ્મિથ પણ પેવેલિયન ભેગો થઈ ગયો હતો. જોકે, બાદમાં માર્નસ લાબુશેન અને ટ્રેવિસ હેડે ચોથી વિકેટ માટે 150થી વધુ રનની ભાગીદારી કરીને ઓસ્ટ્રેલિયાની જીતમાં મહત્ત્વની ભૂમિકા ભજવી હતી.

ફાઈનલમાં ભારતીય બેટર્સ બાદ બોલરોનું ખરાબ પ્રદર્શન

એક તબક્કે 6.6 ઓવરમાં 47 રનમાં ઓસ્ટ્રેલિયાની ત્રણ વિકેટ પડી ગઈ હતી. જેના પગલે કાંગારૂ ટીમ મુશ્કેલીમાં આવી ગઈ હતી. જોકે, બાદમાં ટ્રેવિસ હેડ અને લાબુશેન ધીમે ધીમે શાનદાર બેટિંગ પોતાની ટીમને જીતાડી દીધી હતી. બીજી તરફ 6.6 ઓવરથી અત્યાર સુધી ભારતીય ટીમ 42 ઓવર સુધી એક વિકેટ માટે તરસી રહી હતી. અંતે ઓસ્ટ્રેલિયાને વિજયથી માત્ર 2 રન બાકી હતા ત્યારે ટ્રેવિસ હેડ 137 રન આઉટ થયો હતો.

બંને ટીમની પ્લેઇંગ ઇલેવન

ભારતની ટીમ : રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ અય્યર, કેએલ રાહુલ (wk), સૂર્યકુમાર યાદવ, રવીન્દ્ર જાડેજા, મોહમ્મદ શમી, જસપ્રિત બુમરાહ, કુલદીપ યાદવ, મોહમ્મદ સિરાજ.

ઓસ્ટ્રેલિયાની ટીમ : ટ્રેવિસ હેડ, ડેવિડ વોર્નર, મિચલ માર્શ, સ્ટીવ સ્મિથ, માર્નસ લાબુશેન, ગ્લેન મેક્સવેલ, જોશ ઇંગ્લિસ (wk), મિશેલ સ્ટાર્ક, પેટ કમિન્સ (કેપ્ટન), એડમ ઝમ્પા, જોશ હેઝલવુડ