સમય ક્રાંતિ ન્યૂઝ..
ડાંગ જિલ્લા પોલીસ વડા યશપાલ જગાણીયા તથા નાયબ પોલીસ અધિક્ષક સુનિલભાઈ પાટીલનાં આગેવાનીમાં સાપુતારા પોલીસ દ્વારા પ્રોજેક્ટ સંવેદનાં અંતર્ગત માનસિક અસ્વસ્થ બાળકની મેડિકલ ચકાસણી અને સારવાર કરવામાં આવી હતી. પોલીસની આ સરાહનીય કામગીરીને નાગરિકોએ બિરદાવી હતી.
પ્રાપ્ત વિગતો અનુસાર સાપુતારા પોલીસ સ્ટેશનનાં પો.સબ.ઈન્સપેકટર તથા સાપુતારા પોલીસ સ્ટેશનનો સ્ટાફ સાપુતારા ટાઉન વિસ્તારમાં પેટ્રોલીંગમાં હતા. તે દરમ્યાન સાપુતારા પોલીસ સ્ટેશન નજીક રોડની સાઈડમાં એક બાળક અસ્વસ્થ જણાતા તાત્કાલીક ગાડી થોભાવી બાળક બાબતે તેના માતા-પિતાને મળી વાતચીત કરતા બાળકનું નામ શિવાન રાજેભાઈ બારૈયા ઉ.વ.૦૭, મુળ રહે.પાદલા, તા.જાલોદ, જી.દાહોદ હાલ રહે.સાપુતારા નાનો જન્મથી માનસિક અસ્વસ્થ હોય તેમજ ચામડી છોલાય ગયેલાનું જણાયેલ હતું. આ બાબતે બાળકનાં માતા-પિતાને સારવાર બાબતે પુછતા તેઓ મજુરી કામ કરતા હોય અને આર્થિક રીતે સક્ષમ ન હોય જેથી આ બાબતે પોલીસ અધિક્ષક યશપાલ જગાણીયા નાયબ પોલીસ અધિક્ષક એસ.જી.પાટીલ આહવા વિભાગ આહવાનાઓને જાણ કરતા તેઓની સુચના અને માર્ગદર્શન મુજબ બાળકને તાત્કાલીક સાપુતારા ભ્ણ્ઘ્ સેન્ટર ઉપર લઈ જઈ ફરજ ઉપરનાં ડોકટર દ્વારા બાળકની મેડીકલ ચકાસણી કરી તેના શરીરનાં ઉઝરડા તેમજ છોલાય ગયેલ ચામડી બાબતે યોગ્ય સારવાર કરવી જરૂરી મેડીકલ સાધન સામગ્રીની કીટ મેળવી સારવાર કરાવવામાં આવી હતી. તેમજ બાળકને જરૂરી કપડાની કીટ પુરી પાડી હતી. ડાંગ જિલ્લા સાપુતારા પોલીસની આ સરાહનીય કામગીરીને નાગરિકોએ બિરદાવી હતી. ઉલ્લેખનીય છે કે, સાપુતારામાં આવતા પ્રવાસીઓને અગવડતા ના પડે તે માટે પ્રવાસી મિત્રની યોજના શરૂ કરવામાં આવી છે. જેમાં સાપુતારા ખાતે પ્રવાસી મિત્રોની ફરજનિયુક્ત હોમગાર્ડ જવાનો દ્વારા પ્રવાસીઓની સુરક્ષા તેમજ જોવા લાયક સ્થળોની માહિતી આપવામાં આવે છે.
વધુ સમાચાર મેળવવા.. samaykranti.com..