સમય ક્રાંતિ ન્યૂઝ..
સુરતીઓ ખાવા પીવાના શોખીન છે. દારૂ પીવા માટે સુરતીઓ દમણ સુધી જતા હોય છે, જ્યારે અનેક સુરતીઓ ઘરે બેઠાં દારૂ પીવા માટે પરમીટ કઢાવતા હોય છે, પરંતુ હવે પરમીટનો દારૂ પીવો સુરતીઓને મોંઘો પડશે, કારણ કે પરમીટના ભાવમાં અધધ વધારો કરાયો છે.
ગુજરાતમાં દારૂ બંધી છે. તેમ છતાં મેડિકલ કારણોસર પરમીટ ઈશ્યુ કરવામાં આવે છે. ત્યારે રાજ્યમાં અમદાવાદ બાદ સૌથી વધુ પરમીટ સુરતીઓ ધરાવે છે. જોકે હવે સુરતીઓને પરમિટનો દારુ મોંઘો પડશે.ગયા મહિને મળેલી સંકલનની બેઠકમાં પરમીટના ભાવ વધારવાનો નિર્ણય લેવાયો હતો. આ નિર્ણય બાદ નવી લિકર પરમીટના જે 10000નો ભાવ હતો તે વધારીને 25000 કરી દેવાયા છે, જ્યારે પરમીટ રિન્યૂ કરવાનો જૂનો ભાવ 5000 હતો તે વધારીને 20000 કરવામાં આવ્યો છે. સુરત શહેરમાં લિકર પરમીટના પરવાનો મેળવવામાં તોતિંગ વધારો ભારે પડશે. ભાવ વધારાની આ રકમ નવી સિવિલ હોસ્પિટલની રોગી કલ્યાણ સમિતિમાં જમા કરવામાં આવતી હોય છે.