સમય ક્રાંતિ ન્યૂઝ..
રાજ્ય સહિત સમગ્ર દેશભરમાં આજે દિવાળીના તહેવારની ધામધૂમથી ઉજવણી કરવામાં આવી રહી છે, ત્યારે તાપી જિલ્લામાં દિવાળીનો તહેવાર ધામ ધૂમથી ઉજવવામાં આવે છે . ત્યારે તાપી જિલ્લો આદિવાસી બહુલક વસતિ ધરાવતો હોવાથી ભાતીગળ સંસ્કૃતિ ધરાવતો આદીવાસી સમાજ હજુ પણ એક પોતાની આગવી પરંપરા અનુસાર દિવાળી તહેવારની ઉજવણી કરી રહ્યો છે.
આદિવાસીઓ માટે દિવાળી એક અનોખો તહેવાર
આદિવાસીઓનું જીવન સામાન્ય રીતે કૃષિ અને પશુપાલન સાથે જોડાયેલું હોવાથી ચોમાસાની ઋતુ દરમિયાન ખેતીમાં કરેલો પાક પાકીને તૈયાર થઈ જતો હોય છે. આ નવા પાકેલા પાકને ખુશીથી અને માહાત્મ્યનું ગુણગાન કરતા કરતા આ ઉત્સવ આદિવાસીઓ દ્વારા દિવાળીના દિવસે ઉજવવામાં આવતો હોય છે. આજે તાપી જિલ્લા ના ગામોમાં આદિવાસીઓ દ્વારા પરંપરાને ઉજાગર કરતા અનોખી રીતે દિવાળીના તહેવારની ઉજવણી કરવામાં આવી હતી.