સમય ક્રાંતિ ન્યૂઝ..
લોકસભા ચૂંટણીનો કાર્યક્રમ જાહેર થઇ ગયો છે. ચૂંટણીની શરૂઆત એપ્રિલમાં થશે, જે જૂન સુધી ચાલશે. દેશના ચૂંટણીના ઇતિહાસમાં આ બીજી વખત છે જ્યારે જૂન મહિના સુધી મતદાન થવાનું છે. 1951-52માં પ્રથમ સંસદીય ચૂંટણી બાદ બીજી સૌથી લાંબા સમયની ચૂંટણી આ વર્ષે યોજાઇ રહી છે. લોકસભા ચૂંટણીનો કાર્યક્રમ 44 દિવસનો છે. જોકે, આટલા દિવસો સુધી ચૂંટણી યોજાવાના કેટલાક કારણ પણ છે.
દેશમાં પ્રથમ લોકસભા ચૂંટણી 68 તબક્કામાં યોજાઇ હતી જેની શરૂઆત 25 ઓક્ટોબર, 1951માં થઇ હતી અને આ 21 ફેબ્રુઆરી, 1952માં પૂર્ણ થઇ હતી. સાત દાયકા બાદ 96.8 કરોડ મતદારોની રેકોર્ડ સંખ્યા સાથે 2024ની સંસદીય ચૂંટણી સૌથી લાંબી થવાની છે.જૂનમાં 1991માં લોકસભા ચૂંટણી યોજાઇ હતી, તેની પાછળનુ કારણ કિશપથ ગ્રહણના 16 મહિના બાદ ચંદ્રશેખર સરકાર ભંગ થઇ ગઇ હતી.
કેમ જૂન સુધી કરાવવી પડી ચૂંટણી?
લોકસભા ચૂંટણી સાત તબક્કામાં યોજાવાની છે, જેની શરૂઆત 19 એપ્રિલથી થશે અને 1 જૂન સુધી મતદાન થશે. જૂન સુધી ચૂંટણી કરાવવાના બે મુખ્ય કારણ છે. જેમાં પ્રથમ કારણ 2019ની તુલનામાં આ વર્ષે ચૂંટણીની જાહેરાત છ દિવસ મોડી થઇ છે. 2019 ચૂંટણીમાં તારીખોની જાહેરાત 10 માર્ચે થઇ હતી. બીજુ કારણ આ છે કે માર્ચ અને એપ્રિલમાં હોળી, તમિલ ન્યૂ યર, બીહૂ અને બૈસાખી જેવા તહેવાર છે, જેના માટે રજા રહેશે.
ચૂંટણી પંચે આ વાતનું ધ્યાન રાખવું પડશે કે નામ પરત ખેચવાની અંતિમ તારીખ અથવા મતદાનના દિવસે જરૂરી તારીખો તહેવારના દિવસે ના આવે.તારીખની જાહેરાત થવા પાછળ કેટલીક સ્થિતિ પણ જવાબદાર હતી જેમાં ચૂંટણી કમિશનર અરૂણ ગોયલનું અચાનક રાજીનામું પણ સામેલ છે, તેમના રાજીનામાને કારણે ત્રણ સભ્યોના ચૂંટણી પંચમાં માત્ર મુખ્ય ચૂંટણી કમિશનર રાજીવ કુમાર જ બચ્યા હતા. એક અન્ય ચૂંટણી કમિશનર અનૂપ ચંદ્ર પાંડેય ફેબ્રુઆરીમાં રિટાયર થયા હતા.
સરકારે 14 માર્ચે બે નવા ચૂંટણી કમિશનર જ્ઞાનેશ કુમાર અને સુખબીર સિંહ સંધૂને નિયુક્ત કર્યા હતા, તેમણે 15 માર્ચે કાર્યભાર સંભાળ્યો હતો અને એક દિવસ બાદ ચૂંટણીની જાહેરાત થઇ હતી. એક સીનિયર અધિકારીએ જણાવ્યું, “લોકસભા ચૂંટણીની તારીખની જાહેરાતને કારણે ચૂંટણી પંચે વિચાર્યુ કે જ્યાર સુધી પુરી ટીમ નહીં હોય ત્યાર સુધી જાહેરાતમાં મોડું થઇ શકે છે. ભલે કાયદાકીય રીતે મુખ્ય ચૂંટણી કમિશનર જ ચૂંટણી કરાવે છે પરંતુ છતા પણ આ અનોખુ લાગે છે, માટે રાહ જોવામાં આવી હતી.