સમય ક્રાંતિ ન્યૂઝ..
એક તરફ લોક સભા ચૂંટણીની જાહેરાતની ઘડીઓ ગણાઈ રહી છે. ચૂંટણી પંચ 13 માર્ચ પછી કોઈપણ સમયે ચૂંટણી કાર્યક્રમની જાહેરાત કરી શકે છે. બીજી તરફ ભાજપ સહિતની રાજકીય પાર્ટીઓ ઉમેદવારને લઈને મનોમંથન કરી રહી છે. ત્યારે ભાજપ આજે નવી દિલ્હીમાં બેઠક યોજવા જઈ રહ્યું છે. બેઠક બાદ ઉમેદવારોની બીજી યાદી જાહેર કરી શકે છે. નોંધનીય છે કે, પ્રથમ યાદીમાં 195 ઉમેદવારોના નામ જાહેર કરવામાં આવ્યા હતા. પ્રથમ યાદીમાં ગુજરાતની 26માંથી 15 બેઠકો પર ઉમેદવારોના નામ જાહેર કરવામાં આવ્યા હતા. ત્યારે બીજી યાદીમાં બાકીના 11 નામો પણ જાહેર કરવામાં આવી શકે છે. જેમાં રાજકીય સૂત્રો પાસેથી માહિતી મળી રહી છે મોટાભાગના વર્તમાન સાંસદોની ટિકિટ કપાઈ શકે છે.
ઉત્તર પ્રદેશમાં લોકસભાની સીટોને લઈને ભારતીય જનતા પાર્ટી વચ્ચે ખેંચતાણ ચાલી રહી છે. ભાજપે સૌથી વધુ બેઠકો ધરાવતા ઉત્તર પ્રદેશમાં કુલ 80 બેઠકોમાંથી 51 બેઠકો પર ઉમેદવારોના નામ જાહેર કર્યા છે. આ સિવાય ભાજપ એનડીએમાં સામેલ પાર્ટીઓને 6 સીટો આપી રહી છે. આવી સ્થિતિમાં હવે પાર્ટી 23 સીટો પર મંથન કરી રહી છે. આ દરમિયાન કૈસરગંજના સાંસદ બ્રિજભૂષણ શરણ સિંહના નામની ચર્ચા થઈ રહી છે. તે જ સમયે, દેવરિયા, બલિયા, ગાઝીપુર, મેરઠ, ગાઝિયાબાદ, રાયબરેલીની લોકસભા બેઠકો માટે ઉમેદવારોની પસંદગીની પ્રક્રિયા પણ ચાલી રહી છે.કૈસરગંજ લોકસભા સીટ પરથી બીજેપી સાંસદ બ્રિજ ભૂષણ શરણ સિંહ છેલ્લા કેટલાક દિવસોથી ચર્ચામાં છે. મહિલા રેસલર્સે તેના પર યૌન શોષણનો આરોપ લગાવ્યો છે. આટલું જ નહીં, નારાજ કુસ્તીબાજોએ તેની સામે આંદોલન પણ શરૂ કર્યું. જો કુસ્તીબાજોના આરોપો બાદ બ્રિજ ભૂષણની ટિકિટ પર સંકટના વાદળ ઘેરાયેલા છે. જેના પગલે તેમની પત્ની કેતકી દેવી અને પુત્ર પ્રતીક ભૂષણ સિંહને ટિકિટ મળી શકે છે