સમય ક્રાંતિ ન્યૂઝ..
વાંસદા તાલુકાનાં અંકલાછ ગામમાં ૧૯ યુગલોનાં સમૂહલગ્નનું ગજનભાઈ, નટુભાઈ, ગામનાં સરપંચ રૂપેશભાઈ ગાંવિત, રાયુભાઈએ આયોજન કર્યું હતું. સમૂહલગ્નમાં મુખ્ય મહેમાન તરીકે પધારેલા વાંસદા તાલુકા પંચાયતનાં માજી શાસક પક્ષનાં નેતા બીપીન માહલા સહ પરિવાર હાજરી આપી દરેક યુગલને બેડા અને દરેક બહેનોને સહ પ્રેમ સાડી ભેટ આપી બીપીન માહલાએ પરિવાર સાથે કન્યાદાન કર્યું એમાં બીપીન માહલાએ કહયું કે જીવનમાં આજે આગળ વધવું હોય
તો ખોટા ખર્ચાઓ દેખા દેખી ન કરવી જોઈએ કારણ કે આપણે આજે જોઈએ છે કે મોટા ભાગની બચાવેલી મૂડી આપણે લગ્નમાં વાપરી નાંખીયે છે અને લગ્નમાં આજુબાજુ પડોશી પરથી ઉછીનાં પૈસા લઈએ છે કોઈ વખત આપણે વ્યાજ પર પણ પૈસા લઈએ છીએ લગ્ન પતી જાય પછી આ રકમ આપણે આપવામાં ઘણી મુશ્કેલી પડે છે.જેથી આપણે આગેવાનો ભેગા મળીને સમૂહ લગ્નનું ખાસ આયોજન કરવું જોઈએ અને દરેક વડીલો સાથે ભેગા મળીને આ વિશે ચર્ચા વિચારણા પણ કરવી જોઈએ કારણ કે હવે ચાંદલા વિધિ અને ઘર બેઠક હોય એમાં પણ ઘણો ખર્ચો થાય છે. એના વિશે પણ ચર્ચા વિચારણા કરી ચા પાણીમાં પતી જાય એવી ગોઠવણ કરવી જોઈએ અને દરેક ગામોમાં કોઈ સમૂહ લગ્ન કરવા માંગતા હોય અને મારી કઈ જરૂરિયાત હોય તો મને જાણ કરશોજી હું તેને જરૂરથી મદદ કરીશ. આ સમૂહ લગ્નમાં પધારેલા મહેશભાઈ, આજુબાજુ ગામનાં આગેવાનો ભાઈઓ-બહેનો પધાર્યા હતા.