સમય ક્રાંતિ ન્યૂઝ..
ચુંટણી સમય દરમ્યાન રોકડ અને અન્ય વસ્તુઓની જપ્તી અને મુકિત માટેની માનક સંચાલન પ્રક્રિયા દરમ્યાન સાચી વ્યકિતઓ અને જનતાને અસુવિધા ટાળવા તેમજ જો કોઈ ફરિયાદો હોય તો તેના નિવારણ માટે તાપી જિલ્લામાં ત્રણ સભ્યોનો સમાવેશ કરતી જિલ્લા ફરિયાદ સમિતિની રચના કરવામાં આવી છે.
આ સમિતિમાં અધ્યક્ષ તરીકે જિલ્લા ચુંટણી અધિકારી શ્રી ડો. વિપિન ગર્ગ, સભ્ય સચિવશ્રી (ક્નવિનર) નોડલ ઓફિસર ખર્ચ અને નિયંત્રણ તરીકે જિલ્લા વિકાસ અધિકારીશ્રી વી.એન.શાહ તેમજ જિલ્લા તિજોરી અધિકારીશ્રી એન.એમ.ગાવિત સભ્યશ્રી તરીકે ફરજ અદા કરશે. આ જિલ્લા ફરિયાદ સમિતિ, પોલીસ, SST, FST ટીમો દ્રારા કરવામાં આવેલ જપ્તીના કેસોની જાતે તપાસ કરશે અને ભારતીય ચુંટણીપંચના તા.૨૯ મે, ૨૦૧૫ ની SOP મુજબ નિયમોનુસારની કાર્યવાહી કરવા પગલા લેશે. લોકસભા સામાન્ય ચુંટણી પ્રક્રિયા દરમ્યાન તાપી જિલ્લા કલેક્ટર કચેરી ખાતે જિલ્લા ફરિયાદ સમિતિની દૈનિક બેઠક ૧૭.૦૦ કલાકે યોજાશે. જિલ્લા ફરિયાદ સમિતિના કન્વિનરશ્રી મો.નં ૯૯૭૮૪૦૫ ૨૬૩/9978405263 પર સંપર્ક કરી શકાશે. તેમ નોડલ અધિકારી ચૂંટણી ખર્ચ નિયંત્રણ અને જિલ્લા વિકાસ અધિકારીશ્રી તાપીની અખબારી યાદીમાં જણાવાયું છે.