સમય ક્રાંતિ ન્યૂઝ..
ઈન્ડિયન પ્રીમિયર લીગ(IPL)માં ગુરૂવારે ગુજરાત ટાઇટન્સ અને પંજાબ કિંગ્સ વચ્ચે અમદાવાદના નરેન્દ્ર મોદી સ્ટેડિયમમાં મુકાબલો ખેલાયો હતો. જેમાં ગુજરાતે પ્રથમ બેટિંગ કરતા 20 ઓવરમાં 4 વિકેટના નુકસાને 199 રન બનાવ્યા હતા. જેના જવાબમાં પંજાબે 19.5 ઓવરમાં ટાર્ગેટ પાર પાડીને રોમાંચક વિજય મેળવ્યો હતો.
ગુજરાત ટાઇટન્સે આપેલા 200 રનના લક્ષ્યાંકનો પીછો કરવા ઉતરેલી પંજાબની શરૂઆત ખરાબ રહી હતી. કેપ્ટન શિખરને 1 રને ઉમેશે બોલ્ડ માર્યો હતો. જે બાદ એક પછી એક વિકેટ પડતા 70 રનમાં 4 વિકેટ ગુમાવી દીધી હતી. જોકે, અંતમાં શશાંક સિંહ અને આસુતોષ શર્માએ આક્રમક બેટિંગ કરીને ગુજરાતના હાથમાંથી મેચ છીનવી લીધી હતી.
શશાંક સિંહ અને આશુતોષ જીતના હિરો રહ્યા
શશાંક સિંહ અને આશુતોષે સાતમી વિકેટ માટે 22 બોલમાં 43 રનની ભાગીદારી કરી હતી. શશાંકે આક્રમક ફિફ્ટી ફટકારી હતી. આશુતોષે 17 બોલમાં 31 રનની ઈનિંગ રમી હતી. શશાંક સિંહે 29 બોલમાં 4 ચોગ્ગા અને 6 છગ્ગાની મદદથી અણનમ 61 રન ફટકાર્યા.
શુભમનની 89 રનની ઈનિંગ એળે ગઈ
શુભમને શાનદાર ફિફ્ટી ફટકારી હતી. ગિલે 48 બોલમાં 4 ચોગ્ગા અને 6 ચોગ્ગાની મદદથી અણનમ 89 રન બનાવ્યા હતા. જોકે, સદી મારવાથી ચૂકી ગયો હતો. અંતમાં રાહુલ તેવટિયાએ આક્રમક ફટકાબાજી કરી હતી. 8 બોલમાં 1 સિક્સ અને 3 ફોરની મદદથી અણનમ 23 ફટકાર્યા હતા.