સમય ક્રાંતિ ન્યૂઝ..
ઉત્તર પ્રદેશના અયોધ્યામાં રામ મંદિરની રાહ જોવાઈ રહી છે. દરમિયાન એવા સમાચાર છે કે NCERT એટલે કે નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ તેના પુસ્તકોમાં રામ પરના ઘણા પ્રકરણોનો સમાવેશ કરી શકે છે. આમાં તેમના રાજા બનવાથી લઈને તેમના વનવાસ સુધીના અને અન્ય ઘણા વિષયો શામેલ હોઈ શકે છે. જોકે, આ અંગે સત્તાવાર રીતે કંઈ કહેવામાં આવ્યું નથી. એવું કહેવામાં આવી રહ્યું છે કે એક ઉચ્ચ સ્તરીય સમિતિએ આની ભલામણ કરી છે.
મીડિયા રિપોર્ટમાં કહેવામાં આવ્યું છે કે નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (NCERT)એ સામાજિક વિજ્ઞાનના શાળા અભ્યાસક્રમમાં સુધારો કરવા માટે ઉચ્ચ સ્તરીય સમિતિની રચના કરી હતી. સમિતિએ પાઠ્ય પુસ્તકોમાં રામાયણ અને મહાભારત જેવા મહાકાવ્યોનો સમાવેશ કરવાની અને શાળાઓમાં વર્ગખંડોની દિવાલો પર બંધારણની પ્રસ્તાવના લખવાની ભલામણ કરી છે. એક મીડિયા રિપોર્ટમાં સમિતિના અધ્યક્ષ સીઆઈ ઈસાકને એમ કહેતા ટાંકવામાં આવ્યા છે કે ધોરણ 7થી 12ના વિદ્યાર્થીઓને રામાયણ અને મહાભારત શીખવવું મહત્વપૂર્ણ છે. સમિતિએ સામાજિક વિજ્ઞાનના અભ્યાસક્રમમાં વિદ્યાર્થીઓને રામાયણ અને મહાભારત જેવા મહાકાવ્યો શીખવવા પર ભાર મૂક્યો છે. અમારું માનવું છે કે કિશોરાવસ્થા દરમિયાન, વિદ્યાર્થીમાં આત્મસન્માન, દેશભક્તિ અને પોતાના રાષ્ટ્ર માટે ગૌરવનો વિકાસ થાય છે. તેમણે કહ્યું કે હાલમાં કેટલાક શિક્ષણ બોર્ડ વિદ્યાર્થીઓને રામાયણ શીખવે છે, પરંતુ તેઓ તેને એક દંતકથા તરીકે શીખવે છે. અગાઉ ઈસાકે કહ્યું હતું કે પેનલે ધોરણ 3થી 12 સુધીના પાઠ્યપુસ્તકોમાં પ્રાચીન ઈતિહાસને બદલે ‘શાસ્ત્રીય ઇતિહાસ’નો સમાવેશ કરવાની અને ઇન્ડિયાનું નામ બદલીને ‘ભારત’ કરવાની ભલામણ પણ કરી હતી.
આગામી સત્રમાં નવા પુસ્તકો?
સામાજિક વિજ્ઞાન માટે અભ્યાસક્રમ અને શિક્ષક શિક્ષણ સામગ્રી વિકસાવવા માટે એક અભ્યાસક્રમ વિસ્તાર જૂથ (CAG)ની પણ રચના કરવામાં હતી. NCERT નેશનલ એજ્યુકેશન પોલિસી (NEP) 2020 મુજબ શાળાના અભ્યાસક્રમમાં સુધારો કરી રહી છે. નવા NCERT પુસ્તકો આગામી શૈક્ષણિક સત્ર સુધીમાં તૈયાર થઈ જાય તેવી શક્યતા છે.
પુસ્તકોને આખરી ઓપ આપવા અંગે વિચારણા કરશે
ગયા વર્ષે રચાયેલી સાત સભ્યોની સમિતિએ સામાજિક વિજ્ઞાન અભ્યાસક્રમ માટે ઘણી ભલામણો કરી છે. આ ભલામણો નવા NCERT પુસ્તકો માટે મહત્વપૂર્ણ સૂચનાત્મક દસ્તાવેજો છે. વર્ગો માટેના અભ્યાસક્રમ, પુસ્તકો અને શીખવાની સામગ્રીને અંતિમ સ્વરૂપ આપવા માટે જુલાઈમાં 19-સભ્ય રાષ્ટ્રીય અભ્યાસક્રમ અને અધ્યાપન સામગ્રી સમિતિ (NSTC) દ્વારા સમિતિની ભલામણો પર વિચારણા કરવામાં આવે તેવી શક્યતા છે.
સમય ક્રાંતિ ન્યૂઝ.. તાપી જીલ્લા એટલે પ્રકૃતિના ખોળે વસવાટ કરતા જિલ્લો છે જેમાં દેવાલયો અને સુંદર ફરવાલાયક સ્થળો આવેલા છે. જીલ્લાના Read more
સમય ક્રાંતિ ન્યૂઝ.. તાપી જિલ્લાનાં ઉચ્છલ તાલુકામાં આવેલ વડગામ ખાતેનું ધારેશ્વર મહાદેવનું પ્રસિધ્ધ મંદિર આજે સોમવાર અને પવિત્ર શ્રાવણ માસનો Read more
સમય ક્રાંતિ ન્યૂઝ.. ભારતીય ટેબલ ટેનિસ ખેલાડી હરમીત દેસાઈએ પેરિસ ઓલિમ્પિકમાં વિજયી શરૂઆત કરી છે. સુરતના વતની ટેબલ ટેનિસ ખેલાડી Read more
પ્રાકૃતિક ખેતીની તાલિમમાં ૨૫ જેટલી ખેડુત બહેનો ઉત્સાહભેર જોડાયા સમય ક્રાંતિ ન્યૂઝ.. પ્રાકૃતિક કૃષિ અભિયાન 2024 અંતર્ગત વ્યારા તાલુકાના બેડકુવા Read more