સમય ક્રાંતિ ન્યૂઝ..
ગુજરાત ટાઇટન્સના કેપ્ટન શુભમન ગિલે રાજસ્થાન સામે 35 બોલમાં 2 ચોગ્ગા અને 2 છગ્ગાની મદદથી અડધી સદી ફટકારી હતી. આ મેચમાં શુભમન ગિલે વિરાટ કોહલીનો રેકોર્ડ તોડ્યો હતો. શુભમન ગિલ IPLમાં 3000 રન પુરા કરનાર સૌથી યુવા બેટ્સમેન બન્યો છે. ગિલે માત્ર 94 ઈનિંગ્સમાં આ સિદ્ધિ મેળવી હતી.
આ સિવાય શુભમન ગિલ IPLમાં આ સિદ્ધિ મેળવનાર ચોથો સૌથી ઝડપી બેટ્સમેન બન્યો છે. વિરાટ કોહલીએ 26 વર્ષ અને 186 દિવસની ઉંમરમાં 3000 રન બનાવવાનો રેકોર્ડ બનાવ્યો હતો, પરંતુ ગિલે 24 વર્ષ 215 દિવસની ઉંમરમાં આ કારનામું કર્યું હતું.
બીજો સૌથી ઝડપી ભારતીય બેટ્સમેન
વધુમાં, ગિલ IPLમાં 3000 રન બનાવનાર બીજા સૌથી ઝડપી ભારતીય ખેલાડી બન્યો છે, કેએલ રાહુલ આ માઈલસ્ટોન સુધી પહોંચનાર સૌથી ઝડપી ભારતીય ખેલાડી છે. કેએલ રાહુલે 80 ઈનિંગ્સમાં આ કારનામું કર્યું હતું.